2009-07-04

錢和愛情

除非是在求學時期,否則,錢和愛情一定有著微妙的關係。

喜歡上一個人可以不為金錢,但能否發展成愛情關係,雙方的經濟收入便是其中一個考慮因素。不是說要愛得奢華,而是愛也要愛得温飽。兩個生活潦倒無所事事的人走在一起,不是沒有可能,但正所謂「貧賤夫妻百事哀」,每日三餐不繼又不願工作的,這只會是累鬥累,雙方的怨氣也會隨之而增多。作為男人的,別說養妻活兒,連自己也養不起自己,愛情,在這情况下還不如兩塊白麵飽和一碗叉燒飯。

女人愛上一個有經濟能力的男人,是想愛得毫無顧忌。遇著一個三更窮五更富、朝揾唔到晏的男人,愛也愛得提心吊膽,愛情也會被磨滅得血肉模糊。

男人愛上一個有經濟能力的女人,也是想愛得毫無顧忌。萬一自己有甚麽三長兩短,也不用擔心對方不懂得自己照顧自己。

當然,有些男人會致力於找個有錢富婆,叫聲「豬豬」哄兩哄然後換來一世免費熱辣辣軟綿綿的叉燒飯。但這只是做生意的技倆,與愛情完全無關。

8 則留言:

中產管數男 說...

火鶴,你都努力,我會常來呀...

c 說...

我想起魯迅的《傷逝》。

Unreality 泡影 說...

作為開blog文, 第一篇題材好像不夠激

當然, 錢是非常重要, 擺在第一篇也有其資格, 但....好像去得不夠盡

這題材其實可以窮奢極侈地發揮的

另外, 可惜兩者的文不能一起回應. 回應時只能在其中一篇文下面來回, 感覺怪怪的, 好像夫妻歡好後, 各自回房看別人替自己寫的賽後評價 :p

韻味熊貓 說...

當然,有些男人會致力於找個有錢富婆,叫聲「豬豬」哄兩哄然後換來一世免費熱辣辣軟綿綿的叉燒飯。但這只是做生意的技倆,與愛情完全無關。

似乎不似是生意,應該係做「鴨」.哈哈.做完唱,應該叫做「反骨鴨」才對.哈哈.

火鶴 說...

中產管數男,
多謝.

小c,
《傷逝》我以前未睇過, 但啱啱响網上揾咗嚟睇, 真係幾切合「貧賤夫妻百事哀」呢一句..

Unreality泡影,
夫妻歡好後各自回房看別人替自己寫的賽後評價? 呢個比喻幾抵死喎, 講真, 又真係有D各自各討論嘅感覺, 或者下一次試吓將兩篇放埋一齊, 睇吓好唔好D先..

佛爺,
咁又唔排除另一方係有愛嘅可能性..
又, 鴨呢, 如果唔跟場自己出嚟做, 都算係一門生意吖.

八哥老豆 說...

个人認為錢同愛情根本係兩樣嘢...
愛情並吾係手段中嘅工具

Unreality 泡影 說...

>个人認為錢同愛情根本係兩樣嘢...

read this first pls

http://www.timesonline.co.uk/tol/news/uk/science/article5537017.ece

老麥 說...

Blog spot 有冇 Dual column 的 Layout? 有的話,一邊一篇會睇得過癮d!